مينا جمع مرة اخواته بعد صلات الغروب وراحوا لماما وقالوا لها ماما يا حبيبة القلوب ياريت يا ماما تحكى لنا عن معجزة صنعها الحبيب + + + ماما قالت يا اولادى المعجزة الليلة دى شفاء ابنة يايرس + + + رجل اسمه يايرس متواضع موش متغطرس مع انه رئيس المجمع راح ليسوع يتشفع و سجد عند قدميه + + + قال يايرس بايمان وبحب بنتى الوحيدة مريضة يا رب انت يسوع رب الملكوت خايف احسن بنتى تموت + + + واحد قال لرئيس المجمع لا تتعب المعلم بنتك المريضة ماتت قال يسوع ماتخفش يا يايرس آمن فقط ولا تجزع + + + دخل يسوع ودخل معاه بطرس و يعقوب و يوحنا قال الصبية لم تمت ضحكوا وقالوا بيخدعنا + + + يسوع مسك ايد الصبية رجعت روحها و صارت حية قال يسوع اعطوها تاكل وما تقولوش لناس تانية + + + ماما قالت لاولادها احنا لازم نتعلم من معجزات المعلم المعجزة انا حكيتها وعقولكم لازم فهمتها بصت ماما فى عيون مينا والفرحة ظاهرة جوة عنيه قولى يا مينا يا حبيب ماما قول لماما فهمت ايه؟ + + + مينا قال لماما ماما يا اغلى ابتسامة يا هدية بعتها يسوع يا فارشة فى طريقنا ورود يا قايدة فى حياتنا شموع انا فهمت حاجات كتير واجابتى هى بكل سرور + + +
1- ينبغى ان يكون لدينا ايمان و رجاء فى يسوع متاكدين انه بالايمان ننال كل شئ لان كل شئ مستطاع عند الله 2-يسوع اقام ابنة يايرس واعطاها الحياة بعد ان فارقت الحياة وهذا دليل على لاهوت المسيح لانه لا يعطى الحياة إلا الله
السبت 12 ديسمبر - 15:52 من طرف مينا فريد
